Bhí teach an t-am sin cúpla céad slat soir ó Dhroichead na Glaise Duibhe, le hais an bhóthair ar thaobh do láimhe deise ag tarraingt ar an Scríb duit. Ba mhinic roimhe sin a chonaiceas seanbhean ina seasamh i ndoras an tí sin, ach ní raibh aon aithne agam uirthi, ná níor chuir sí caint ná caidéis riamh orm. Bean ard chaol a bhí inti, a cloigeann chomh geal leis an sneachta, agus dhá shúil dubha, mar a bheadh dhá aibhleog, ar lasadh ina ceann. Ba bhean í a chuirfeadh scanradh orm dá gcasfaí dom in áit uaigneach de shiúl oíche í. Scaití bhíodh sí ag cniotáil nó ag cardáil agus í ag crónán os íseal di féin; ach is é an rud is mó a bhíodh sí a dhéanamh nuair a ghabhainnse an bealach, ina seasamh sa doras agus ag breathnú uaithi soir is anoir an bóthar go díreach is dá mbeadh sí ag fanacht le duine éigin a bheadh amuigh uaithi agus í ag súil leis abhaile.
Bhí sí ina seasamh ann an mhaidin sin mar ba ghnách léi, a lámh ar a súile aici, agus í ag breathnú uaithi soir an bóthar. Nuair a chonaic sí mise ag dul thairsti, sméid sí a ceann orm.
Chuas anon chuici.
![](/assets/Home-68162fc7cdb903df61529e1dd4ccd844fb348a742d4411ac085180fdbde18665.png)
![](/assets/story_board-87d1d99377fd11c4571c92a8a28084cf3f04c193285599320ad22586cfbaad3c.jpg)
![](/assets/next-9a02a9009c41cbe1fa264064a28f40517e885bc8a63334c7a8971441323849fa.png)
![](/assets/prev-95273c208154e33601efad44d71020fddd8233811959c1ffb857b4da0e90333a.png)
Leathanach 3
Bhí teach an t-am sin cúpla céad slat soir ó Dhroichead na Glaise Duibhe, le hais an bhóthair ar thaobh do láimhe deise ag tarraingt ar an Scríb duit. Ba mhinic roimhe sin a chonaiceas seanbhean ina seasamh i ndoras an tí sin, ach ní raibh aon aithne agam uirthi, ná níor chuir sí caint ná caidéis riamh orm. Bean ard chaol a bhí inti, a cloigeann chomh geal leis an sneachta, agus dhá shúil dubha, mar a bheadh dhá aibhleog, ar lasadh ina ceann. Ba bhean í a chuirfeadh scanradh orm dá gcasfaí dom in áit uaigneach de shiúl oíche í. Scaití bhíodh sí ag cniotáil nó ag cardáil agus í ag crónán os íseal di féin; ach is é an rud is mó a bhíodh sí a dhéanamh nuair a ghabhainnse an bealach, ina seasamh sa doras agus ag breathnú uaithi soir is anoir an bóthar go díreach is dá mbeadh sí ag fanacht le duine éigin a bheadh amuigh uaithi agus í ag súil leis abhaile.
Bhí sí ina seasamh ann an mhaidin sin mar ba ghnách léi, a lámh ar a súile aici, agus í ag breathnú uaithi soir an bóthar. Nuair a chonaic sí mise ag dul thairsti, sméid sí a ceann orm.
Chuas anon chuici.